शेतकर्‍यांना सर्वतोपारी सहकार्य करणार , जिल्हाधिकारी किशन जावळे यांचे प्रतिपादन
पांढर्‍या कांद्याच्या लागवडक्षेत्र विस्तारासाठी
Total Views |
अलिबाग | जिल्हा नियोजन समितीने २०२४-२०२५ या वर्षासाठी मंजूर केलेल्या विशेष प्रकल्पांतर्गत बिजोत्पादन प्रक्षेत्रास जिल्हाधिकारीकिशन जावळे यांनी भेट दिली आणि सविस्तर माहिती घेतली.पांढर्‍या कांद्याच्या लागवड क्षेत्राचा विस्तार करण्यासाठी शेतकर्‍यांना सर्वतोपारी सहकार्य करण्यात येईल, असेही यावेळी सांगितले.
अलिबाग तालुयातील प्रकल्पातील लाभार्थी शेतकरी सतीश शाम्रराव पाटील गांव सागाव यांच्या शेतावर राबविण्यात येत असलेल्या, अलिबागचा पांढरा कांदा आपल्या विशिष्ट चवीसाठी, उत्कृष्ट गुणवत्तेसाठी आणि आरोग्यविषयक फायद्यांसाठी प्रसिद्ध आहे. या कांद्याला भौगोलिक निर्देशांक टॅग मिळाल्यामुळे त्याला राष्ट्रीय आणि आंतरराष्ट्रीय बाजारपेठेत प्रचंड मागणी आहे. मात्र, दर्जेदार बियाण्यांची मर्यादित उपलब्धता ही लागवड क्षेत्राच्या विस्तारासाठी मोठी अडचण ठरत होती.
ही समस्या सोडवण्यासाठी जिल्हाधिकारी किशन जावळे यांच्या मार्गदर्शनाखाली कृषी विभागाने बियाणे उत्पादनासाठी नाविन्यपूर्ण प्रकल्प सुरू केला आहे. हा प्रकल्प वैज्ञानिक पद्धतीने राबविला जात असून कृषी विज्ञान केंद्र आणि कृषी विभागाच्या अधिकार्‍यांचे नियमित मार्गदर्शन दिले जात आहे. प्रकल्पाचे क्षेत्र तीन हेटर जमिनीवर पसरलेले असून अलिबाग तालुयातील अनेक गावांचा समावेश आहे.
अलिबाग पांढर्‍या कांदा उत्पादक गटाच्या मदतीने २५९ शेतकर्‍यांची निवड करण्यात आली आहे. सध्या पिक ५०% फुलोर्‍याच्या टप्प्यात असून चांगल्या स्थितीत आहे. यामुळे यंदाच्या बियाणे उत्पादन हंगामात चांगले उत्पादन होण्याची अपेक्षा आहे.ही भेट शोशत शेतीला चालना देण्यासाठी आणि अलिबाग पांढर्‍या कांद्याच्या लागवडीचे क्षेत्र वाढविण्यासाठी महत्त्वाचा टप्पा ठरली. यावेळी जिल्हाधिकारी जावळे यांनी शेतकर्‍यांच्या प्रयत्नांचे आणि कृषी विभागाच्या वैज्ञानिक दृष्टिकोनाचे कौतुक केले.
त्यांनी शोशत शेतीचे महत्त्व स्पष्ट केले आणि शेतकर्‍यांना जीवामृत, बीजामृत यांसारख्या सेंद्रिय निविष्टा व जैविक उत्पादनांचा उपयोग करण्यास प्रोत्साहन दिले. मातीचा पोत सुधारण्यासाठी, पिकांचे संरक्षण करण्यासाठी आणि सुरक्षित, उच्च दर्जाच्या भाजीपाला उत्पादनासाठी हे घटक महत्त्वाचे असल्याचे त्यांनी सांगितले. तसेच, शेतकर्‍यांना अलिबाग पांढर्‍या कांद्याचे लागवड क्षेत्र दुप्पट करण्याचे उद्दिष्ट ठेवण्यास प्रवृत्त केले आणि त्यांना शासकीय पातळीवरून पूर्ण मदत मिळेल, असे ओशासन दिले.
जिल्हाधिकार्‍यांनी प्रकल्पाच्या प्रगतीबद्दल समाधान व्यक्त केले आणि शेतकरी व कृषी विभागाच्या संयुक्त प्रयत्नांचे कौतुक केले. शेतकर्‍यांनी सेंद्रिय शेती पद्धती अवलंबून उत्पादनाची गुणवत्ता सुधारावी आणि टिकाऊ शेती साधावी, असा सल्लाही त्यांनी दिला. बियाणे उत्पादन तंत्र सुधारण्यासाठी त्यांनी तांत्रिक मार्गदर्शनही केले आणि शेतकर्‍यांनी प्रकल्पाचा अधिकाधिक फायदा घ्यावा, असे आवाहन केले.
जिल्हाधिकारी किशन जावळे यांच्या या भेटीने कृषी नवोपक्रम व शोशत शेतीला चालना देण्याचा प्रशासनाचा दृष्टीकोन अधोरेखित केला. त्यांच्या प्रोत्साहनाने आणि पाठिंब्याने शेतकरी प्रकल्पाच्या उद्दिष्टांसाठी अधिक जोमाने काम करतील. शेतकरी आणि कृषी विभागाच्या संयुक्त प्रयत्नांमुळे शेती विकासात चांगली प्रगती होऊ शकते, हे या प्रकल्पाने दाखवून दिले आहे. टॅग असलेला अलिबाग पांढरा कांदा मोठ्या प्रमाणात प्रभाव टाकण्यास सज्ज आहे. योग्य मार्गदर्शन आणि पाठिंब्याने हा उपक्रम अलिबाग तालुयातील शेती क्षेत्रासाठी सकारात्मक बदल घडवून आणणार आहे.