कोलाड येथील अपुर्‍या रस्त्यामुळे वाहतूक कोंडी

 

 

कोलाड | शनिवार-रविवार दोन दिवस सुट्टी असल्यामुळे तसेच लग्नाचा हंगाम असल्यामुळे हजारो चाकरमानी गावाकडे निघाले असून कोलाडमधील अपुर्‍या रस्त्यामुळे एक ते दोन तास मोठ्या प्रमाणात प्रचंड वाहतूक कोंडी निर्माण झाली, परंतु कोलाड पोलीस ठाण्याचे सपोनि नितीन मोहिते यांच्या मार्गदर्शनाखाली कोलाड पोलीस, वाहतूक पोलीस तसेच ट्रॅफिक वार्डन यांच्याकडून वाहतूक कोंडी नियंत्रणात आणली.

 

मुंबई-गोवा राष्ट्रीय महामार्ग ६६ वरील शनिवार दि. ८ फेब्रुवारी ते रविवार ९ फेब्रुवारी रोजी सुट्टीचा आनंद घेण्यासाठी असंख्य चाकरमानी गावाकडे निघाले असुन कोलाड मधील अपुर्‍या रस्त्यामुळे सकाळी १० वाजण्याच्या सुमारास वाहनांच्या लांबच लांब रांगा लागल्या असून वाहतूक कोंडी निर्माण झाली आहे. परंतु कोलाड पोलिसांच्या अथक प्रयत्नामुळे वाहतूक कोंडी नियंत्रणात आणून वाहतूक सुरळीतपणे सुरु केली.