रायगडात आज कोरोनाचे 1 हजार 157 नवे रुग्ण

 

अलिबाग । रायगड जिल्ह्यात आज (1 मे) कोरोनाने 17 रुग्ण दगावले असून, 1 हजार 157 नव्या रुग्णांची नोंद झाली आहे. तर दिवसभरात 1 हजार 52 रुग्णांनी कोरोनावर यशस्वी मात केली आहे.

 

आज पॉझिटीव्ह आलेल्या रुग्णांमध्ये पनवेल शहरात सर्वाधिक 337 रुग्ण नोंदवले गेले आहेत. पनवेल ग्रामीणमध्ये 132, अलिबागमध्ये 184, खालापूरमध्ये 119, पेणमध्ये 91, कर्जतमध्ये 67, उरणमध्ये 48, माणगावमध्ये 18, रोह्यात 76, महाडमध्ये 38 रुग्णांची नोंद झाली आहे.

 

आजअखेर रायगड जिल्ह्यातील एकूण कोरोना बाधित रुग्णांची संख्या 1 लाख 8 हजार 270 झाली आहे. यापैकी 92 हजार 417 रुग्ण कोरोनातून बरे झाले आहेत. तर मृतांचा आकडा 2 हजार 266 वर गेला आहे. सद्यस्थितीत 13 हजार 587 सक्रीय रुग्ण कोरोनावर उपचार घेत आहेत.