रायगडात आज 895 रुग्णांची कोरोनावर मात

 

 

अलिबाग । रायगड जिल्ह्यात आज (19 मे) कोरोनाच्या 707 नव्या रुग्णांची नोंद झाली असून 34 रुग्णांचा मृत्यू झाला आहे. तर दिवसभरात 895 रुग्णांनी कोरोनावर यशस्वी मात केली आहे.

 

आज पनवेल शहरात 253, पनवेल ग्रामीणमध्ये 91, अलिबागमध्ये 27, खालापूरमध्ये 71, उरणमध्ये 30, पेणमध्ये 53, महाडमध्ये 29, कर्जतमध्ये 30, रोह्यात 54, मुरुडमध्ये 25, माणगावमध्ये 14, म्हसळ्यात 11, सुधागडमध्ये 4, पोलादपूरमध्ये 2, श्रीवर्धनमध्ये 10 रुग्णांची नोंद झाली आहे.

 

आजअखेर रायगड जिल्ह्यातील एकूण कोरोना बाधित रुग्णांची संख्या 1 लाख 23 हजार 566 झाली आहे. यापैकी 1 लाख 12 हजार 170 रुग्ण कोरोनातून बरे झाले आहेत. तर मृतांचा आकडा 2 हजार 838 वर गेला आहे. सद्यस्थितीत 8 हजार 558 सक्रीय रुग्ण कोरोनावर उपचार घेत आहेत.