रायगडात आज कोरोनाचे 1 हजार 108 नवे रुग्ण

 

 

अलिबाग । रायगड जिल्ह्यात आज (4 मे) कोरोनाच्या 1 हजार 108 नव्या रुग्णांची नोंद झाली असून 38 रुग्णांचा मृत्यू झाला आहे. तर दिवसभरात 964 रुग्णांनी कोरोनावर यशस्वी मात केली आहे.

 

आज पनवेल शहरात 298, पनवेल ग्रामीणमध्ये 116, अलिबागमध्ये 184, खालापूरमध्ये 126, उरणमध्ये 97, पेणमध्ये 60, महाडमध्ये 32, कर्जतमध्ये 46, रोह्यात 68, माणगावमध्ये 26, सुधागडमध्ये 25 रुग्णांची नोंद झाली आहे.

 

आजअखेर रायगड जिल्ह्यातील एकूण कोरोना बाधित रुग्णांची संख्या 1 लाख 11 हजार 253 झाली आहे. यापैकी 95 हजार 743 रुग्ण कोरोनातून बरे झाले आहेत. तर मृतांचा आकडा 2 हजार 382 वर गेला आहे. सद्यस्थितीत 13 हजार 128 सक्रीय रुग्ण कोरोनावर उपचार घेत आहेत.