धामणसई आदिवासीवाडीतील महिलेची गळा दाबून हत्या.

 

रोहा । रोहे शहारापासून जवळ असलेल्या धामणसई आदिवासीवाडी येथील एका महिलेला जगंल भागात नेऊन ठार मारल्याची खळबळ जनक घटना घडली आहे.

 

लक्ष्मी रामा वाघमारे वय 60 वर्षे असे मयत महिलेचे नाव असून धामणसई आदिवासीवाडी येथील तीच्या राहत्या झोपडीपासून हकेच्या अंतरावर घनदाट जगंलातील पायवाटेवर एका अज्ञात मारेकर्‍याने तीला खाली पाडून तीचे तोंड जमिनीत दाबून तीला ठार मारले. व तीच्या डोक्यावर दगड ठेवून अज्ञात मारेकरी खून करून फरार झाला. या घटनेमुळे परिसरात एकच खळबळ उडाली आहे.

 

या घटनेची माहिती समजताच पोलिसांनी घटनास्थळी धाव घेत घटनेची माहिती घेतली व पंचनामा केला. या खून प्रकरणातील अज्ञात मारेकरी विरोधात रोहा पोलीस ठाण्यात खुनाचा गुन्हा दाखल करण्यात आला असून पुढील तपास पोलीस निरीक्षक प्रमोद बाबर करीत आहेत.

 

दरम्यान या प्रकरणी एकाला पोलीसांनी अटक केली असून तो तिचा नातु असल्याच समजते. दारु प्यायला पैसे न दिल्यामुळे त्याने हत्या केल्याचे पोलीसांनी सांगितले.