कारची रिक्षाला धडक; रिक्षाचालकाचा मृत्यू

 

पनवेल । एअरपोर्ट नाका येथून प्रवाशांना घेऊन बेलापूरच्या दिशेने जाणार्‍या रिक्षाला भरधाव कारने धडक दिल्याने रिक्षाचालकाचा मृत्यू झाला असून, दोन प्रवासी गंभीर जखमी झाले आहेत.पनवेल शहर पोलिसांनी कार चालकाविरोधात गुन्हा दाखल केला.विजय पाटील (37) असे या रिक्षाचालकाचेनाव आहे.

 

तो पनवेलमधील वाघिवली येथे राहत होता. विजय पाटील आपल्या रिक्षातून दोन प्रवाशांना घेऊन एअरपोर्ट नाका येथून जुन्या कोलीकोपर गाव येथील एअरपोर्ट रोडने बेलापूर येथे जात होता.विजयची रिक्षा एअरपोर्ट रोडवरील गॅबिनवॉलजवळ आली असता, समोरून येणार्‍या कारने त्याच्या रिक्षाला धडक दिली.

 

त्यामुळे रिक्षाचालक विजय पाटील आणि अरुण अकलू कुमार (20) आणि बुबरुवहन तारापोदो कुमार (24) हे जखमी झाले. तिघांना उरण -नाका येथील खासगी हॉस्पीटलमध्ये दाखल करण्यात आले. यावेळी विजय पाटील याला मृत घोषित करण्यात आले. या प्रकरणी पनवेल शहर पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.