कर्जतमध्ये आ.महेंद्र थोरवे, भाजपचे सूर जुळले

 

कर्जत | कर्जत विधानसभा मतदारसंघात महायुतीमधील प्रमुख घटक पक्ष असलेला भारतीय जनता पक्ष विद्यमान आमदार महेंद्र थोरवे यांच्या पाठीशी ठामपणे उभा राहणार असल्याची ग्वाही भाजपचे जिल्हाध्यक्ष गणेश कोळी यांनी दिली आहे. तस आ. थोरवे यांनीही सांभाळून घेण्याची विनंती केली आहे. कर्जतमध्ये महेंद्र थोरवे आणि भाजप यांचे सूर जुळत असल्याचे चित्र पहायला मिळत आहे.

 

कर्जत विधानसभा मतदारसंघात भारतीय जनता पक्षाचे निवडणूक प्रमुख किरण ठाकरे हे निवडणूक लढणार असल्याचे जाहीर केले तर महायुतीमधील घटक पक्ष असलेला राष्ट्रवादीच्या सर्व पदाधिकार्‍यांनी राजीनामे देऊन अपक्ष उमेदवार सुधाकर घारे यांची साथ देण्याचा निर्णय घेतला आहे.

 

महायुतीचे उमेदवार महेंद्र थोरवे यांच्या अडचणीत वाढ झाली होती. त्यामुळे थोरवे यांनी त्यांचे एकेकाळचे राजकाय वैरी असलेले माजी आमदार सुरेश लाड यांची तब्बल दोनवेळा भेट घेतली होती. भाजपशी वरिष्ठ पातळीवर मुख्यमंत्री आणि उपमुख्यमंत्री यांच्या चर्चा झाल्यानंतर प्रदेश अध्यक्ष चंद्रशेखर बावनकुळे यांनी महायुतीचे उमेदवार महेंद्र थोरवे यांच्या प्रचारात कर्जत विधानसभा मतदारसंघाची भाजप कायम राहील, असे जाहीर आदेश दिले आहेत.

 

या पार्श्वभूमीवर कर्जत विधानसभा मतदारसंघाचे निवडणूक निरीक्षक गोवा राज्यातील आमदार संकल्प अमोणकर यांनी भाजप पदाधिकारी यांची बैठक माजी आमदार सुरेश लाड यांच्या कार्यलयात बैठक झाली. त्यावेळी आमदार महेंद्र थोरवे यांच्यासह भाजप जिल्हा अध्यक्ष अविनाश कोळी अन्य महत्वाचे पदाधिकारी उपस्थित होते.

 

संकल्प आमोणकर यांनी, प्रत्येक मतदारसंघ जिंकण्याचे महायुतीचे धोरण आहे. पक्षाच्या नेत्यांनी दिलेल्या आदेशाचे पालन करणे भाजपच्या प्रत्येक कार्यकर्त्याचे कर्तव्य आहे. त्यामुळे भाजप कार्यकर्ता महायुतीचे उमेदवार यांच्या पाठीशी ठामपणे उभा राहिलेला दिसला पाहिजे, असे सूचनावजा आदेश संकल्प आमोणकर यांनी दिले आहेत.