रायगडच्या वेशीवर रोजगार मंत्री भरत गोगावले यांचे जंगी स्वागत

 

पनवेल | मंत्री झाल्यानंतर पहिल्यांदाच रायगड जिल्ह्यात आगमन झाल्यानंतर भरत गोगावले यांचे पनवेल कळंबोली येथे जोरदार स्वागत त्यांच्या कार्यकर्त्यांनी केले. १० जेसीबींमधून त्यांच्यावर फुलांचा वर्षांव करण्यात आला. महाड मतदार संघाला २० वर्षांनंतर मंत्रीपद मिळाले. त्यामुळे रायगडमधील शिवसैनिकांनी ढोलताशांच्या गजरात आनंदोत्सव साजरा केला.

 

यावेळी मंत्री भरत गोगावले यांनी कार्यकर्त्यांना संबोधीत करताना, रायगडच्या पालकमंत्रीपदावर दावा केला आहे. रायगडच्या पालकमंत्री पदासाठी कुठलीही रस्सीखेच नाही. मी मंत्री असल्याने मीच पालकमंत्री होणार, असा दावा भरत गोगावले यांनी केला. शिवसेनेचे रायगड जिल्ह्यात तीन आमदार आहेत. त्यामुळे पालकमंत्री आमचाच होणार असे स्पष्टीकरण भरत गोगावले यांनी दिले आहे. रायगडच्या पालकमंत्री पदावर शिवसेनेने दावा केला आहे.

 

मंत्री भरत गोगावले त्यासाठी आग्रही आहेत. रविवारी जिल्ह्याच्या वेशीवर कळंबोली इथ भरत गोगावले यांचे जोरदार स्वागत झाले. त्यावेळी त्यांनी याबाबत आपली भूमिका स्पष्ट केली आहे. पालकमंत्री पद आपल्यालाच मिळेल असा विश्वासही त्यांनी व्यक्त केला आहे. यापूर्वीही पालकमंत्री पद शिवसेनेकडेच होतं. आणि आता तर मी मंत्री आहे आणि जिल्ह्यात आमचे तीन मंत्री आहेत. त्यामुळे पालकमंत्री पदावर आमचाच दावा असल्याचे ना. गोगावले यांनी सांगितले.

 

रायगडच्या पालकमंत्री पदावरून कुठलीही रस्सीखेच नसल्याचे त्यांनी स्पष्ट केले. कळंबोली नाका इथे गोगावले यांच्या स्वागतासाठी शिवसेना पदाधिकारी आणि शेकडो शिवसैनिक उपस्थित होते. यावेळी १० जेसीबीमधून गोगावले यांच्यावर पुष्पवृष्टी करण्यात आली. त्यांच्यासाठी भलामोठा हार आणण्यात आला होता. मंत्री झाल्यानंतर भरत गोगावले यांचे पहिल्यांदाच रायगड जिल्ह्यात आगमन झाले. महाड मतदार संघाला २० वर्षानंतर प्रथमच मंत्रीपद मिळाले. त्यामुळे रायगडमधील शिवसैनिकांनी ढोलताशांच्या गजरात आनंदोत्सव साजरा केला.