जिल्ह्यातील बौद्ध लेण्यांचा होणार विकास , अदिती तटकरे यांनी केली पाहणी

भारतात स्थापन झालेल्या बौद्ध धर्माचा प्रचार एक हजार वर्षापूर्वी जगभरात झाला. जगभरातील बौद्ध प्रचारक सागरी मार्गाने पुन्हा भारतात येताना मुंबईतील जोगेश्वरी लेणी, कुडा, गांधारपाले या लेण्यांमध्ये काही काळ विश्रांती करत आणि पुढील प्रवासाला सुरुवात करत, त्यामुळे या लेण्यांचे महत्व बौद्ध धर्माच्या प्रचारात महत्वाचे मानले जाते. या लेण्यांच्या परिसरात अनेक ऐतिहासिक घटना घडलेल्या असल्याने त्याचा शोध घेण्याचे कुतुहल इतिहास अभ्यासकांना आहे.

 

वेरुळ व अजिंठा लेण्यांना भेट व पर्यटनासाठी बौद्ध अभ्यासक मोठ्या संख्येने छत्रपती संभाजीनगरला येतात. यातील काही पर्यटक कोकणातील या स्थळांनाही भेट देत असतात. या पर्यटनातून येथील स्थानिकांना रोजगार उपलब्ध होणार आहे. - आदिती तटकरे, महिला आणि बाल कल्याण मंत्री